Inspirasjonstur til Damstredet

Trine og eg var på felttur til Damstredet for å få inspirasjon til eitt av skriveprosjekta mine. Damstredet er ei av dei faktisk fine gatene i Oslo, så eg tenkte eg kunne dele nokre av bileta eg tok.

Du finn heile settet på flickr.

Her er nokre utvalde bilete:
Damstredet
Damstredet
Damstredet
Damstredet
Damstredet (Her står det Rabarbra slottet, er ikkje det fantastisk?)
Damstredet
Damstredet
Damstredet

Leave a comment

Eg flyttar igjen

Emil skal flytte frå Bestemor, så eg får flytte dit.

Så ingen ny rekord for å bu lenge på éin plass, halvanna år hjå Ola på Grünerløkka er førebels rekorden sidan eg var 17.

Eg veit ikkje kvar eg kjem til å bu til hausten (Bø? Bergen? Førde? Oslo?), men eg kjem i alle fall til å vere den siste delen av sommaren på Tåsen.

Eg håpar nesten på at eg ikkje kjem inn dei stadene eg søkjer (skal søkje! Få søknadene ferdig!), berre for å sleppe å betale leige…

Men altså: Tåsen neste!

Leave a comment

Kjolen!

No gler eg meg til sommar!

Denne kjolen fann eg mønster til, målte og klippa ut på golvet på Sinsen, altså førre sommar. Symaskina eg arva av Bestemamma krangla så mykje at eg gav opp å sy den. Men no har eg ny symaskin, så eg kunne sy. Denne maskina syr faktisk veldig godt, så det er veldig deilig.

kjole1
Den sit faktisk ganske godt. I alle fall til å ha hatt store problem.

Her er den på hengaren. Ikkje like pen.
kjole2

Og nærbilete av mønsteret:
kjole3
(Med blits, så fargen ser litt annleis ut.)

Eg må nok framleis fikse litt på skjørtet i front, og korte litt ned på stroppane. Men det får bli ein annan dag.

Og her er lenke til “mønsteret”.

Leave a comment

Sying: nålebok og …fail

Så, eg har sett etter ny sånn liten ting til å ha reisesysaker i. Eg har ein gul plastboks som no ikkje lukkar seg ordentleg, så eg ville ha ny. Eg har sett etter noko ganske lenge, men ikkje sett noko eg likar.

Eg tenkte at eg kunne lage det sjølv.

Først laga eg ei nålebok til alle nålene mine, etter inspirasjon frå ein eller annan blogg. Nåleboka er to bitar med restestoff med ein bit med restefilt imellom. Her er den:
nålebok2 nålebok

Men så var det denne boksen/veska/mappa, då. Eg tok glidelåsen frå ei pensjonert olabukse. Den var diverre ikkje så lang som eg håpa. Og 10×7 cm var ikkje så stort som eg trudde.
Så denne sysakmappa er for liten, for trong, og ikkje spesielt pent sydd.
mappe 1 mappe 2
Det er så vidt plass til saksa, nåleboka og ein papplate med sytråd rundt.

Så eg må kjøpe ein lengre glidelås, og tenkje meg om ein gong meir før eg syr. Og kjøpe noko fyllstoff som ikkje er filt (eg har dessutan nesten ikkje meir igjen).

Men saksa eg kjøpte er søt.
saks

Leave a comment

Angoragenseren

Endeleg ferdig. Måtte kjøpe grå babyull for å lage belegg over klippekanten, men elles heldt det med 150 gr angoragarn.

Sorry at bildekvaliteten er noko suboptimal, eg tok dei med mobilen, og leilegheita mi er ganske mørk.

Angoragenseren Angoragenseren Angoragenseren

Den røystar som eit uvêr (eg fikk stadig garnflisar i nesa), men eg såg eit tips ein plass på internetten om å leggje den i frysaren eitt døgn og så gå over med klesrulle, så eg prøver det.

No gler eg meg til sommaren så eg kan bruke den!

2 Comments