Heime fraa tur

Daa var eg heime fraa tur.

Eg kom heim laurdag kveld etter 13 timar med reise, grensekryssing, papirarbeid, dyre drosjeturar i Nord-Jordan, stress og veldig lite mat. Det var definitivt ikkje ein god slutt paa ein veldig fin tur.

Paa mange maatar foretrekk eg Damaskus.

Det er eit faktum at folk her er hoeflegare, venlegare og meir villege til aa prata arabisk med meg (om ikkje saa mykje, saa i alle fall litt). (Og det er mykje billegare her.)

Eg veit kvar ting er i Damaskus. Eg kan ta bussen i Damaskus.

Snart kjem eg til aa villa dra paa tur att.

3 Comments

Dikt: Havet

Eg elskar deg, havet.
Korleis lever eg utan
deg, i ørkenen?
Utan bølgesus,
sjøsprøyt,
lukta av salt?
Eg må bu nær deg,
havet, eg vil bu på eit
skjær i skjærgarden.
Då vil eg vera nær
deg, med bølge-
sus, sjøsprøyt,
og lukta av salt?

Leave a comment

Bilete frå turen til Aleppo

Me tok nattoget frå Damaskus til Aleppo 10. september. Me drakk te og kaffi og gikk for å sjå fortet (قلعة حلب), som er gamalt. Så åt me frukost, og drog til staden der St. Simeon hadde pålen sin (قلعة سمعان). Den er eldre. Pålen var veldig høg, no er han ganske låg på grunn av alle pilegrimane som har tekne med seg bitar. Deretter tok me toget heim.

5 Comments

Nok eit dikt: Eg var

Eg var

I oldtidas Egypt var eg oppdagar,
Eg fann kjeldene til Nilen.

I vikingtida var eg ein viking og kona hans,
Eg var tøff, eg var stri.

I Europas mellomalder var eg ein riddar,
Eg hadde hest, skjold og sverd.

I barokken var eg ei fin frue i kjole,
Eg spelte cembalo og hadde parykk.

I krigens dagar var eg motstandshelt,
Eg ofra liv og lemmar for landet.

i dag er eg student
nett som alle dei andre

10.-12. juli 2009

Leave a comment

Ennå eit dikt: Eg vandra

Eg vandra

Eg vandra meg inn i ein skog av glede
Om berre eg kunne dela han
For delt glede er dobbel glede
Eg ville dobla gleda mi

Eg vandra meg gjennom ein skog av lengsel
Å, som eg lengta etter noko
Eg er ikkje sikker på kva det var

Eg vandra meg ut av ein skog av glemsel
Eg hadde gløymd deg

10. juli 2009

Leave a comment