Så, eg heiter Amygdala. Eg veit. Eg trur foreldra mine prøvde å gå for Amidala, dei såg visst Star Wars på eit tidspunkt, eller kanskje Amélie, dei såg den òg. Dei såg nok meir film enn dei las bøker, i alle fall. Men ein kan ikkje gå rundt og kalle seg Amygdala, det berre går ikkje, så eg plar å kalle meg sjølv Amie. Du veit, fransk for venn. Det må då vere eit innbydande namn? Folk flest går for det engelske Amy. Og det funkar vel, det.